Til baka	Prenta
Atvinnumálanefnd Dalabyggðar - 60 Haldinn í stjórnsýsluhúsinu í Búðardal, 31.08.2026 og hófst hann kl. 16:00 Fundinn sátu: Bjarnheiður Jóhannsdóttir formaður, Jón Egill Jóhannsson aðalmaður, Linda Guðmundsdóttir aðalmaður, Skúli Hreinn Guðbjörnsson aðalmaður, Jóhanna María Sigmundsdóttir Verkefnastjóri , Fundargerð ritaði: Jóhanna María Sigmundsdóttir, Verkefnastjóri atvinnu- kynningar- og menningarmála Lagt til að máli nr. 2606029 - Stefna atvinnumálanefndar 2026 - 2030 verði bætt á dagskrá og verði dagskrárliður 1. Dagskrá:  Almenn mál Pálmi J. Jóhannssson mætir á fundinn sem gestur undir dagskrárlið 1. 1. 2606029 - Stefna atvinnumálanefndar 2026 - 2030 Atvinnumálanefnd fundar með rekstraraðilum og forsvarsmönnum atvinnurekenda í Dalabyggð. Nefndin þakkar Pálma fyrir komuna og samtalið. Atvinnumálanefnd tekur undir að brýnasta verkefnið framundan er frekari uppbygging íbúðarhúsnæðis til að styðja við jákvæða þróun og frekari uppbyggingu. 2. 2608001 - Fjárhagsáætlun 2027-2030 Farið yfir þann tímaramma sem ætlaður er til undirbúnings og vinnu við gerð fjárhagsáætlunar Dalabyggðar fyrir árin 2027 til 2030. Einnig kynntar þær forsendur sem Samband íslenskra sveitarfélaga leggur upp með í þeirri vinnu sem framundan er. Fastanefndum Dalabyggðar er falið að yfirfara sína málaflokka í tengslum við fjárhagsáætlunargerð. Skoða vel og ræða bæði útgjöld og innkomu tengda þeim deildum sem falla undir svið deildanna. Tillögum nefnda verði skilað til starfsmanna, til úrvinnslu. Nefndin leggur til að skoðaður verði kostnaður vegna kynningarmála með tilliti til heildarstöðu málaflokksins. Dagsetningar vegna vinnu við undirbúning fjárhagsáætlunar fyrir árin 2027 - 2030, samþ.pdf 3. 2608007 - Úrgangsmál rekstraraðila 2026 Þegar sótt er um rekstrarleyfi til Dalabyggðar vegna rekstur sem kallar á úrvinnslu úrgangs að einhverju leyti s.s. gististaðir, veitingastaðir o.s.frv. er gerð krafa um samning viðkomandi umsækjanda við sorphirðufyrirtæki. Dalabyggð vill brýna fyrir rekstraraðilum sem eru með starfsemi sem ekki krefst rekstrarleyfis en eru með starfsemi þar sem heimilsúrgangur fellur til, þ.e. almennt sorp, pappi og pappír, plastumbúðir og lífrænn úrgangur, að gera samning við sorphirðufyrirtæki um hirðingu úrgangs frá starfseminni. Grenndarstöðvar í dreifbýli eru einungis fyrir heimilissorp frístundahúsa innan sveitarfélagsins sem greiða sérstakt sorphirðugjald fyrir þá þjónustu. Grenndarstöðvar eru ekki ætlaðar heimilum og/eða rekstraraðilum. Söfnunarstöðin að Vesturbraut 22 í Búðardal er opin öllum fasteignaeigendum og rekstraraðilum í Dalabyggð. Þar skal skila endurvinnanlegum úrgangi s.s. byggingarúrgangi, spilliefnum, brotajárni, grófum úrgangi, ökutækjum o.fl. Söfnunarstöðin er opin á þriðjudögum, fimmtudögum og laugardögum. Hægt er að kynna sér fyrirkomulag úrgangsmála Dalabyggðar á heimasíðu sveitarfélagsins. 4. 2608002 - Reglugerðarbreytingar vegna breytinga á fyrirkomulagi heilbrigðiseftirlits í samráðsgátt Rætt um hlutverk Heilbrigðiseftirlitsins og þær breytingar sem verða með reglugerðarbreytingum gagnvart eftirliti með rekstraraðilum. Beðið er eftir gögnum um skiptingu verkefna milli ríkis og sveitarfélaga. Tekið verði tillit til þessa þegar kostnaðargreining liggur fyrir. Yfirlitsskjal yfir reglugerðarbreytingar_14_7_2026.pdf 5. 2608017 - Forgangsröðun innviðamála í Dalabyggð Atvinnumálanefnd hefur vinnu við uppfærslu innviðaáætlunar Dalabyggðar. Nefndin leggur til að haldinn verði sérstakur vinnufundur með haustinu þar sem unnið verður að uppfærslu innviðaáætlunar Dalabyggðar m.a. verðir tekið tillit til samgönguáætlunar, niðurlagningu 2G og 3G kerfis ásamt annarra breyta. Stefnt verði að fundinum 26. október nk. Innviðaáætlun_Dalabyggðar_haust2025.pdf Guðmundur Bæringsson boðaði forföll eftir að fundur hófst. Fleira ekki gert. Fundi slitið kl. 18:14
Til baka	Prenta