Til baka	Prenta
Umhverfis- og skipulagsnefnd Dalabyggðar - 168 Haldinn í stjórnsýsluhúsinu í Búðardal, 04.11.2026 og hófst hann kl. 16:00 Fundinn sátu: Guðbrandur Tumi Gíslason formaður, Bjarnheiður Jóhannsdóttir aðalmaður, Sigrún B Halldórsdóttir aðalmaður, Pálmi Ólafsson aðalmaður, Sigurður Ólafsson varamaður, Kristján Ingi Arnarsson embættismaður, Hlynur Torfi Torfason Skipulagsfulltrúi, Grettir Örn Ásmundsson byggingarfulltrúi. Fundargerð ritaði: Kristján Ingi Arnarsson, verkefnastjóri umhverfis- og eignasviðs Dagskrá:  Almenn mál 1. 2611003 - Skátalundur Nefndin ræðir staðsetningu Skátalundar sem Skátafélagið Stígandi óskar eftir til afnota. Nefndin tekur vel í erindið og tillögu að staðsetningu skátalundar. Samhliða þróun svæðisins þurfi að huga að öryggi gangandi með tilliti til umferðar á þjóðveginum. 2. 2510031 - Deiliskipulag Tungu á Skógarströnd Yfirferð á uppfærðri tillögu að deiliskipulagi skv. 3. mgr. 41. gr. skipulagslaga nr. 123/2010. Skipulagsnefnd hefur fjallað um athugasemdir HMS, 10. september, við deiliskipulagstillögu í Tungu á Skógarströnd og yfirfarið uppfærða tillögu. Nefndin áréttar að deiliskipulag Tungu á Skógarströnd tekur til eldri frístundabyggðar og telur að það samræmist stefnu Aðalskipulags Dalabyggðar. Ekki er gert ráð fyrir að þegar byggð hús verði færð eða þeim breytt vegna afgreiðslu skipulagsins. Nýbyggingar og framkvæmdir skulu samræmast skilmálum deiliskipulagsins og gildandi ákvæðum um fjarlægðir frá ám. Nefndin leggur til við sveitarstjórn að samþykkja deiliskipulagið með umhverfisskýrslu, enda verði samræmi greinargerðar og uppdráttar tryggt og athugasemdir HMS um skilmála og byggingarreiti vegna framtíðaruppbyggingar. Skipulagsfulltrúa verði falið að leggja til endanlegrar samþykktar og afgreiðslu til birtingar í B-deild Stjórnartíðinda samkvæmt 42. gr. skipulagslaga nr. 123/2010. 3. 2608018 - Breyting á deiliskipulagi af svæði norðan Miðbrautar í Búðardal Athugasemd barst 13. október við tillögu að deiliskipulagsbreytingu í grenndarkynningu. Nefndin þakkar fyrir framkomnar athugasemdir og leggur til ákveðnar breytingar á tillögu að deiliskipulagsbreytingunni til að bregðast við þeim. Lóð fyrir spennistöð Rarik verði færð þannig að sjónlínur við Gunnarsbraut skerðist ekki. Útakstur til vinstri út á Gunnarsbraut af lóð verði ekki heimiluð. Með þessu telur nefndin að komið sé til móts við athugasemdir. Athugasemdir dags. 13.10.2026 v. grenndarkynningar.pdf Almenn mál - umsagnir og vísanir 4. 2610023 - Snæfellsnesvegur (54_21-22), ákvörðun um matsskyldu - umsagnarbeiðni Húsnæðis- mannvirkja- og skipulagsstofnun leitar umsagna vegna tilkynninga til ákvörðunar um matsskyldu á grundvelli 20. gr. laga um umhverfismat framkvæmda og áætlana nr. 111/2021 vegna endurbyggingu Snæfellsnesvegar (54) á 11,2 km löngum kafla á Skógarströnd. Endurbyggingin á kaflanum frá Heydalsvegi (55) að slitlagsenda við Gunnarsstaði og fylgir að mestu núverandi vegi en á þremur stöðum, við Laxá, Hólmlátur og Gunnarsstaðaá (Gljúfurá), er vikið lítillega frá núverandi vegi. Á Laxá er einbreið brú sem ekki er hægt að breikka og því þarf að byggja nýja brú á ána. Kynningarskýrslan er ítarleg og góð og samræmist gildandi Aðalskipulagi Dalabyggðar. Sækja skal um framkvæmdarleyfi til sveitarfélagsins áður en framkvæmdir hefjast. Kynningarskýrsla Snæfellsnesvegur í Dalabyggð..pdf Mál til kynningar 5. 2610020 - Gjaldskrá Sorpurðurnar Vesturlands 2027 Gjaldskrá Sorpurðunar Vesturlands 2027 lög fram til kynningar. Til kynningar. 6. 2610019 - Umsókn um byggingarleyfi að Harastöðum, 240m2 geymsluhúsnæði Umsókn um byggingarleyfi fyrir geymsluhúsnæði að Harastöðum til kynningar. Nefndin gerir ekki athugasemd við áformin og felur byggingafulltrúa að afgreiða. 7. 2610033 - Umsókn um byggingarleyfi fyrir einbýlishúsi að Ljárskógaströnd 23 Umsókn um byggingarleyfi fyrir einbýlishús á Ljárskógarströnd til kynningar. Nefndin gerir ekki athugasemd við áformin og felur byggingafulltrúa að afgreiða. 8. 2611004 - Rammaáætlun, 6. áfangi - tillaga að flokkun vindorkuverkefna Verkefnisstjórn 6. áfanga rammaáætlunar hefur flokkað sjö vindorkuverkefni og sett tillögu sína ásamt skýrslu og fylgisskjölum í 12 vikna samráð í samráðsgátt stjórnvalda Formanni nefndar falið að ræða málið við sveitarstjórn. Skýrsla - Tillaga verkefnisstjórnar.pdf Fleira ekki gert. Fundi slitið kl. 19:30
Til baka	Prenta