Til baka	Prenta
Félagsmálanefnd Dalabyggðar - 79 Haldinn í stjórnsýsluhúsinu í Búðardal, 02.07.2026 og hófst hann kl. 14:45 Fundinn sátu: Skjöldur Orri Skjaldarson formaður, Heiðrún Sandra Grettisdóttir varamaður, Guðrún Erna Magnúsdóttir varamaður, Fundargerð ritaði: Lilja Björg Ágústsdóttir, sveitarstjóri Dagskrá:  Almenn mál 1. 2606022 - Skipun varaformanns og ritara Lagt er til að varaformaður félagsmálanefndar verði Ingibjörg Þóranna Steinudóttir. Lagt er til að ritari félagsmálanefndar verði sveitarstjóri Samþykkt samhljóða 2. 2606023 - Fundartími félagsmálanefndar Lagt er til að reglulegir fundir fræðslunefndar fari fram síðasta þriðjudag í mánuði kl. 13:30. Samþykkt samhljóða 3. 2606027 - Samþykkt um stjórn sveitarfélagsins Dalabyggðar - uppfærsla 2026 Á grundvelli ákvörðunar sveitarstjórnar Dalabyggðar í máli nr. 2311021 frá fundi sveitarstjórnar nr. 270 er lagt að gerðar verði breytingar á samþykktum Dalabyggðar í því skyni að endurskipuleggja nefndaskipan sveitarfélagsins með því að sameina annars vegar fræðslunefnd og félagsmálanefnd í eina og hins vegar atvinnumálanefnd og menningarmálanefnd í eina nefnd. félagsmálanefnd telur mikilvægt að hafin verði vinna við breytingar á samþykktum um stjórn Dalabyggðar í samræmi við framangreint. Með slíkri breytingu er leitast við að efla heildarsýn og samþættingu í skyldum málaflokkum, þar sem verkefni skarast í auknum mæli í framkvæmd. Breytingunni er ætlað að einfalda stjórnsýslu, draga úr tvíverknaði og bæta yfirsýn, sem stuðlar að skilvirkari ákvarðanatöku og hagkvæmari rekstri. Málinu vísað til sveitarstjórnar til fyrri umræðu. Samþykkt samhljóða 4. 2606024 - Uppbygging barnaverndarþjónustu Með síðar breytingum á barnaverndarlögum hefur verið lögð aukin áhersla á samstarf sveitarfélaga og stuðlað að því að þjónustueiningar væru nægilega stórar til að tryggja faglega og skilvirka meðferð mála. Í framkvæmd hefur þetta m.a. birst í því viðmiði að hver barnaverndarþjónusta þjóni að jafnaði að minnsta kosti 6.000 íbúum til að uppfylla kröfur um fagmennsku og stöðugleika í þjónustu. Síðustu mánuði hefur verið í gangi samtal á milli Dalabyggðar og fulltrúa Barnaverndarþjónustu Vesturlands, sem er samstarf á milli sveitarfélaga á Vesturlandi um rekstur barnaverndarþjónustu á grundvelli barnaverndarlaga nr. 80/2002. Félagsmálanefnd Dalabyggðar leggur til að við sveitarstjórn að hefja formlegt samtal og viðræður við Barnaverndarþjónustu Vesturlands um mögulegt samstarf um rekstur barnaverndarþjónustu, með það að markmiði að efla faglega þjónustu við börn og fjölskyldur og tryggja að hún uppfylli þær kröfur sem gerðar eru samkvæmt gildandi lögum og viðmiðum. Málinu vísað til sveitarstjórnar Samþykkt samhljóða 6. 2506014 - Upplýsinga fundur um Samkomulag um þjónusutu við börn með fjölþættan vanda Lagður fram tölvupóstur frá félagsþjónustufulltrúa Sambandsins dags. 23. júní 2026. Vakin er athygli sveitarfélaga á að í nýrri reglugerð um þjónustu við börn með fjölþættan vanda hafi ríkið einhliða endurskilgreint og þrengt viðmið sem samkomulag hafði verið gert um. Þetta muni fela í sér verulegan kostnað fyrir sveitarfélög landsins. Félagsmálanefnd Dalabyggðar lýsir yfir þungum áhyggjum af nýrri reglugerð mennta- og barnamálaráðuneytisins sem gengur gegn samkomulagi ríkis og sveitarfélaga frá 19. mars 2025 um ábyrgð á þjónustu við börn með fjölþættan vanda. Með reglugerðinni hefur ríkið einhliða þrengt skilgreiningu á hópnum sem skilur þannig eftir ábyrgð og kostnað hjá sveitarfélögum sem á grundvelli samkomulagsins á heima hjá ríkinu. Félagsmálanefnd telur breytinguna óásættanlega, án fullnægjandi faglegra raka og fela í sér alvarlegan trúnaðarbrest af hálfu ríkisins gagnvart sveitarfélögum. Skorað er á ráðuneytið að afturkalla reglugerðina og taki þá ábyrgð og skuldbindingu sem samið var um. Sveitartjóra falið að koma áskorun á framfæri og málinu vísað til byggðarráðs Dalabyggðar til upplýsinga. Samþykkt samhljóða Mál til kynningar 5. 2606028 - Erindi til nýkjörinna sveitarstjórna landsins Lagt fram erindi frá Landssambandi eldri borgara dags. júní 2026. Landsamband eldri borgar hvetur sveitarstjórnir til að leggja áherlsu á öflugt starf öldungaráðs þegar frá upphafi kjörtímabils og lýsir sig reiðubúið til frekara samstals og samstarfs um þessi málefni. Félagsmálanefnd tekur jákvætt í erindið og undirstrikar mikilvægi virks og öflugs öldungaráðs sem vettvangs samráðs og ráðgjafar í málefnum eldri borgara. Nefndin felur sveitarstjóra að hafa hliðsjón af erindinu í áframhaldandi vinnu. Samþykkt samhljóða Fleira ekki gert. Fundi slitið kl. 15:30
Til baka	Prenta