Til baka	Prenta
Byggðarráð Dalabyggðar - 350 Haldinn í stjórnsýsluhúsinu í Búðardal, 11.05.2026 og hófst hann kl. 14:00 Fundinn sátu: Skúli Hreinn Guðbjörnsson formaður, Guðlaug Kristinsdóttir aðalmaður, Þuríður Jóney Sigurðardóttir varamaður, Björn Bjarki Þorsteinsson sveitarstjóri, Fundargerð ritaði: Björn Bjarki Þorsteinsson, sveitarstjóri Lagt er til að mál nr. 2605006, Rarik, umsóknir um lóðir fyrir veitumannvirki 2026, verði bætt á dagskrá og verði mál nr. 5. Lagt er til að mál nr. 2605009, Umsókn um lóð Iðjubraut, verði bætt á dagskrá og verði mál nr. 6. Lagt er til að mál nr. 2602006, Mötuneyti Auðarskóla, verði bætt á dagskrá og verði mál nr. 7. Aðrir liðir færist til skv. framangreindu. Samþykkt samhljóða. Dagskrá:  Almenn mál 1. 2604015 - Fjárhagsáætlun 2026- Viðauki II Framlögð tillaga að Viðauka II við fjárhags- og framkvæmdaáætlun Dalabyggðar árið 2026. Byggðarráð samþykkir samhljóða framkomna tillögu að Viðauka II og vísar til staðfestingar í sveitarstjórn. 2. 2209012 - Laugar í Sælingsdal - samskipti Rætt um stöðu máls í sambandi við uppgjör og útgáfu afsals. 3. 2405006 - Húsnæði viðbragðsaðila Farið yfir stöðu mála og framkomið erindi frá Björgunarsveitinni Ósk en í kjölfar 349. fundar byggðarráðs hefur sveitarstjóri átt fund með forsvarsmönnum Björgunarsveitarinnar og slökkviliðsstjóra um þá kosti sem eru í stöðunni. Sveitarstjóra falið að taka málið áfram í anda umræðu á fundinum. 4. 2603004 - Útboð tæming á rotþróm 2026-2028 Sveitarstjóri sagði frá framkomnum tilboðum í tæmingu rotþróa í kjölfar útboðs fyrir árin 2026 til 2028. 5. 2605006 - Rarik, umsóknir um lóðir fyrir veitumannvirki 2026 Rarik sækir um tvær lóðir vegna veitumannvirkja í Búðardal. Ásuhvamm 1a vegna lokahúss fyrir hitaveitu sem að auki yrði áningarstaður með fróðlegum upplýsingum. Miðbraut 4 fyrir spennistöð, sem er flutningur á núverandi spenni úr húsnæði Rarik að Miðbraut 6. Byggðarráð samþykkir úthlutun beggja lóðanna, þ.e. Ásuhvamms 1a og Miðbrautar 4. 6. 2605009 - Umsókn um lóð Iðjubraut Framlögð umsókn um lóð við Iðjubraut. Byggðarráð tekur jákvætt í erindið og samþykkir umsókn um lóð með fyrirvara um þörf á deiliskipulagsbreytingu sem lögð verður fyrir umhverfis- og skipulagsnefnd á næsta fundi. 7. 2602006 - Mötuneyti Auðarskóla Kynnt drög að samningi um framlengingu samnings við verktaka vegna mötuneytis Auðarskóla. Byggðarráð samþykkir fyrirliggjandi samkomulag með áorðnum breytingum og vísar til staðfestingar í sveitarstjórn. 8. 2602017 - Starfsmannamál Rætt um starfsmannamál. Farið yfir stöðu mála. Sveitarstjóra falið að vinna áfram að málum í anda umræðu á fundinum. Þuríður vék af fundi undir hluta af þessum lið. Fleira ekki gert. Fundi slitið kl. 15:15
Til baka	Prenta