Til baka	Prenta
Umhverfis- og skipulagsnefnd - 82 Haldinn í stjórnsýsluhúsinu í Búðardal, 17.05.2018 og hófst hann kl. 14:00 Fundinn sátu: Hörður Hjartarson formaður, Eyjólfur Ingvi Bjarnason aðalmaður, Halla S. Steinólfsdóttir aðalmaður, Sæmundur G. Jóhannsson aðalmaður, Valdís Gunnarsdóttir aðalmaður, Kristján Ingi Arnarsson embættismaður. Fundargerð ritaði: Kristján Ingi Arnarsson, Staðgengill skipulags- og byggingarfulltrúa Dagskrá:  Almenn mál - umsagnir og vísanir 1. 1804032 - Umsagnarbeiðni - Sauðafell Sýslumaður á Vesturlandi óskar eftir umsögn vegna breytingar á gistileyfi fyrir gistiheimilið á Sauðafelli. Nefndin gerir ekki athugasemdir við breytingu á gistileyfi. 2. 1804038 - Umsagnarbeiðni - Vogur Sýslumaður á Vesturlandi óskar eftir umsögn vegna endurnýjunar á rekstrarleyfi fyrir Vog sveitasetur. Nefndin gerir ekki athugasemdir við endurnýjun rekstrarleyfis. 3. 1805012 - Umsókn um uppsetningu á 3 möstrum Storm Orka ehf sækir um leyfi fyrir uppsetningu á þremur 100 metra háum stálgrindarmöstrum til vindmælinga í landi Hróðnýjarstaða. Nefndin leggur til að afgreiðslu umsóknar verði frestað þangað til skýrsla EFLU, um nýtingu vindorku í sveitarfélaginu, liggur fyrir. Samþykkt í einu hljóði. 4. 1805013 - Iðjubraut 2-4 Lagður fram endurnýjaður lóðarleigusamningur við Rarik ohf um lóðina Iðjubraut 2. Skv. eldri samningi var lóðin 5.920 m2 að flatarmáli en 3.351 m2 skv. nýjum samningi. Með þessu verður til ný lóð Iðjubraut 4 sem getur verið tilbúin til úthlutunar með litlum tilkostnaði. Nefndin samþykkir skiptingu lóðarinnar Iðjubraut 2 í tvær lóðir, Iðjubraut 2 og Iðjubraut 4 í samræmi við fram lögð gögn. Mál til kynningar 5. 1804033 - Umsókn um viðbyggingu við eldra húsnæði Eigendur Steintúns á Skógarströnd sækja um byggingarleyfi fyrir viðbyggingu við núverandi íbúðarhús. Lagt fram til kynningar. Lagt fram til kynningar. Fleira ekki gert. Fundi slitið kl. 14:40
Til baka	Prenta