Til baka	Prenta
Fræðslunefnd Dalabyggðar - 152 Haldinn í stjórnsýsluhúsinu í Búðardal, 02.07.2026 og hófst hann kl. 13:00 Fundinn sátu: Skjöldur Orri Skjaldarson formaður, Berghildur Pálmadóttir aðalmaður, Heiðrún Sandra Grettisdóttir varamaður, Guðrún Erna Magnúsdóttir varamaður, Atli Freyr Guðmundsson varamaður, Fundargerð ritaði: Lilja Björg Ágústsdóttir, Sveitarstjóri Dagskrá:  Almenn mál 1. 2606025 - Skipun varaformanns og ritara Lagt er til að varaformaður fræðslunefndar verði Ingibjörg Þóranna Steinudóttir. Lagt er til að ritari fræðslunefndar verði sveitarstjóri. Samþykkt samhljóða 2. 2606026 - Fundartími fræðslunefndar Lagt er til að reglulegir fundir fræðslunefndar fari fram síðasta þriðjudag hvers mánaðr kl. 13.30. Sveitarstjóra falið að hafa samband við skólastjórnendur og foreldrarfélag til að tryggja kjör á áheyrnarfulltrúum. Samþykkt samhljóða 3. 2606024 - Uppbygging barnaverndarþjónustu Með síðar breytingum á barnaverndarlögum hefur verið lögð aukin áhersla á samstarf sveitarfélaga og stuðlað að því að þjónustueiningar væru nægilega stórar til að tryggja faglega og skilvirka meðferð mála. Í framkvæmd hefur þetta m.a. birst í því viðmiði að hver barnaverndarþjónusta þjóni að jafnaði að minnsta kosti 6.000 íbúum til að uppfylla kröfur um fagmennsku og stöðugleika í þjónustu. Síðustu mánuði hefur verið í gangi samtal á milli Dalabyggðar og fulltrúa Barnaverndarþjónustu Vesturlands, sem er samstarf á milli sveitarfélaga á Vesturlandi um rekstur barnaverndarþjónustu á grundvelli barnaverndarlaga nr. 80/2002. Fræðslunefnd Dalabyggðar leggur til við sveitarstjórn að hefja formlegt samtal og viðræður við Barnaverndarþjónustu Vesturlands um mögulegt samstarf um rekstur barnaverndarþjónustu, með það að markmiði að efla faglega þjónustu við börn og fjölskyldur og tryggja að hún uppfylli þær kröfur sem gerðar eru samkvæmt gildandi lögum og viðmiðum. Málinu vísað til sveitarstjórnar Samþykkt samhljóða 4. 2606027 - Samþykkt um stjórn sveitarfélagsins Dalabyggðar - uppfærsla 2026 Á grundvelli ákvörðunar sveitarstjórnar Dalabyggðar í máli nr. 2311021 frá fundi sveitarstjórnar nr. 270 er lagt að gerðar verði breytingar á samþykktum Dalabyggðar í því skyni að endurskipuleggja nefndaskipan sveitarfélagsins með því að sameina annars vegar fræðslunefnd og félagsmálanefnd í eina og hins vegar atvinnumálanefnd og menningarmálanefnd í eina nefnd. Fræðslunefnd telur mikilvægt að hafin verði vinna við breytingar á samþykktum um stjórn Dalabyggðar í samræmi við framangreint. Með slíkri breytingu er leitast við að efla heildarsýn og samþættingu í skyldum málaflokkum, þar sem verkefni skarast í auknum mæli í framkvæmd. Breytingunni er ætlað að einfalda stjórnsýslu, draga úr tvíverknaði og bæta yfirsýn, sem stuðlar að skilvirkari ákvarðanatöku og hagkvæmari rekstri. Málinu vísað til sveitarstjórnar til fyrri umræðu. Samþykkt samhljóða 5. 2606001 - Reglur um auglýsingar í íþróttamannvirkjum Lögð fram drög að reglum um auglýsingar á skjám í íþróttamiðstöð Fræðslunefnd samþykkir framlögð drög að uppfærðum reglum og vísar málinu til sveitarstjórnar. Samþykkt samhljóða 6. 2606017 - Reglur um styrki til tónlistanáms utan Dalabyggðar Lagðar fram reglur um styrki til tónlistarnáns utan Dalabyggðar. Fræðslunefnd felur sveitarstjóra að endurskoða reglur til samræmis við umræður á fundi og leggja aftur fyrir fræðslunefnd. Samþykkt samhljóða 8. 2601010 - Auðarskóli, málefni grunnskóla 2026 Farið yfir ýmis málefni tengt rekstri Auðarskóla. Guðrún Halldórsdóttir sitjandi skólastjóri sat fundinn undir þessum lið Starfandi skólastjóri fór yfir skólastarf síðasta vetrar og þau verkefni sem eru framundan áður en kennsla hefst í haust. Ljóst er að endurnýja þarf búnað í grunnskóladeild m.a. borð og stóla í kennslustofur, kaupa sófasett og vinna ákveðna þarfagreiningu á húsbúnaði og nýtingu rýma. Fræðslunefnd leggur áherslu á að unnin verði þarfagreining í grunnskóladeild í samráði við skólastjóra í haust þar sem m.a verður farið yfir búnaðarþörf og aðbúnað. Að horft verði til þeirrar vinnu við fjáhagsáætlunargerð í haust. Mál til kynningar 7. 2606032 - Ráðning skólastjóra Katrín Kristjánsdóttir hefur verið ráðin skólastjóri Auðarskóla frá og með 1. ágúst nk., með fyrirvara um samþykki sveitarstjórnar. Guðrún Halldórsdóttir starfandi skólastjóri sat fundinn undir þessum lið. Fræðslunefnd fagnar ráðningu Katrínar Kristjánsdóttur í starf skólastjóra Auðarskóla og telur hana vel til starfans fallna í ljósi reynslu og þekkingar á skólastarfinu. Nefndin óskar Katrínu velfarnaðar í starfi. Fleira ekki gert. Fundi slitið kl. 14:45
Til baka	Prenta