Til baka	Prenta
Umhverfis- og skipulagsnefnd Dalabyggðar - 167 Haldinn í stjórnsýsluhúsinu í Búðardal, 07.10.2026 og hófst hann kl. 16:30 Fundinn sátu: Guðbrandur Tumi Gíslason formaður, Sigrún B Halldórsdóttir aðalmaður, Pálmi Ólafsson aðalmaður, Valdís Gunnarsdóttir aðalmaður, Sigurður Ólafsson varamaður, Kristján Ingi Arnarsson embættismaður, Hlynur Torfi Torfason Skipulagsfulltrúi, Grettir Örn Ásmundsson byggingarfulltrúi. Fundargerð ritaði: Kristján Ingi Arnarsson, verkefnastjóri umhverfis- og eignasviðs Dagskrá:  Almenn mál 1. 2609003 - Umsókn um byggingarleyfi fyrir vindmyllu að Hömrum í Laxárdal Umsókn um byggingarleyfi fyrir vindmyllu, Hömrum í Laxárdal. Vindmyllan er innan stærðarviðmiða í aðalskipulagi. Nefndin gerir ekki athugasemd við áformin og felur skipulags- og byggingafulltrúa að afgreiða þegar ítarlegri gögn liggja fyrir. 2. 2609023 - Umsókn um stofnun lóðar í Hundadal - Grímsbrekka Umsókn um stofnun lóðar, Grímsbrekka, úr landi Neðri-Hundadals. Nefndin gerir ekki athugasemd við stofnun lóðarinnar. 3. 2603013 - Haukabrekka, lóð C, óveruleg deiliskipulagsbreyting Lögð fram tillaga að óverulegri breytingu sem varðar tilfærslu á byggingareit innan lóðar C, til afgreiðslu að lokinni grenndarkynningu skv. 44. gr. skipulagslaga. Lögð fram breytingartillaga dags. 5. mars 2026 (Gláma-Kím). Tillagan var grenndarkynnt eigendum allra frístundalóða í landi Haukabrekku frá 11. ágúst til 8. september 2026. Athugasemdir bárust. Í athugasemdum er bent á eftirfarandi: - Að ganga þurfi úr skugga um að uppgröftur sem fór fram á lóð C árið 2025 sé örugglega innan lóðamarka lóðar C. - Eigendur lóðar G gera athugasemd við tilfærslu byggingarreitsins af eftirfarandi ástæðum: "Það er verið að fara úr lægri punkti í hæsta punkt lóðarinnar mun norðar á lóðinni þ.a. það sem á byggingarreitinn verður sett mun blasa við okkur eigendum G lóðarinnar." Umhverfis- og skipulagsnefnd telur með hliðsjón af nýjustu fáanlegu loftmyndum (google maps) að jarðraskið frá árinu 2025 nái aðeins út fyrir lóðarmörk lóðar C til austurs. Nefndin hvetur lóðareiganda lóðar C til að lagfæra jarðraskið utan lóðamarka. Varðandi tilfærslu byggingareits, þá kemur fram í greinargerð breytingartillögu svohljóðandi rökstuðningur á ástæðu breytingarinnar: Á núverandi deiliskipulagi er byggingarreitur fyrir lóð C illa staðsettur vegna votlendis og halla í landi. Með breytingu deiliskipulags er byggingarreiturinn færður á þurrlendi og meiri flata. Umhverfis- og skipulagsnefnd telur að sjónræn áhrif breytingarinnar á lóð G séu ekki svo mikil eða neikvæð að hafna beri tilfærslu byggingareitsins. 4. 2609007 - Umsókn um framkvæmdaleyfi - fiskiteljari í Laxá Umsókn um framkvæmdaleyfi fyrir byggingu teljaraþreps í Laxá. Markmið verkefnisins er að vakta stofnstærð laxfiska í Laxá í Dölum auk þess að fylgjast sérstaklega með fjölda strokulaxa úr sjókvíaeldi og fjölda hnúðlaxa sem kunna að ganga í ána. Mannvirkið er um 60m langt og verður byggt um 250m ofan við brúna. Leyfi Fiskistofu liggur fyrir ásamt samþykki landeiganda beggja megin við. Nefndin gerir ekki athugasemd við útgáfu framkvæmdarleyfis og felur skipulagsfulltrúa að gefa út leyfið. 5. 2610007 - Umhverfismatsskýrsla skógrækt í landi Ljárskóga Húsnæðis-, mannvirkja og skipulagsstofnun hefur óskað eftir umsögn vegna máls: Skógrækt i landi Ljárskóga, nr. 0301/2024: Kynning umhverfismatsskýrslu (Mat á umhverfisáhrifum). Nefndin hefur kynnt sér skýrsluna og skipulagsfulltrúi fer yfir drög að umsögn. Skipulagsfulltrúa falið að klára umsögn og skila inn. 6. 2610009 - Umsókn um framkvæmdaleyfi vegna breikkunar og styrkingar á veg 60, Haukadalsá-Erpsstaðir Umsókn um framkvæmdaleyfi frá Vegagerðinni, dags. 6 október. Nefndin samþykkir framkvæmdaleyfið og felur skipulagsfulltrúa að gefa út leyfið þegar samþykki allra landeiganda liggur fyrir. 7. 2610008 - Umsókn um framkvæmdaleyfi vegna breikkunar og styrkingar á Jaðarsbraut í Saurbæ Umsókn um framkvæmdaleyfi frá Vegagerðinni, dags. 6. október. Nefndin samþykkir framkvæmdaleyfið og felur skipulagsfulltrúa að gefa út leyfið þegar samþykki landeiganda liggur fyrir. Mál til kynningar 8. 2608008 - Umsókn um byggingarleyfi Kaldakinn Umsókn um byggingarleyfi fyrir sumarhús, Kaldakinn á Fellsströnd. Nefndin gerir ekki athugasemd við áformin og felur byggingafulltrúa að afgreiða. 9. 2609019 - Umsókn um byggingarleyfi fyrir skemmu að Stóra-Vatnshorni Umsókn um byggingarleyfi fyrir skemmu, Stóra-Vatnshorni. Nefndin gerir ekki athugasemd við áformin og felur byggingafulltrúa að afgreiða. 10. 2609028 - Umsókn um byggingarleyfi fyrir 178.2 m2 skemmu að Hamri Umsókn um byggingarleyfi fyrir bogaskemmu, Hamar í Hörðudal. Nefndin gerir ekki athugasemd við áformin og felur byggingafulltrúa að afgreiða. Viðar Þór Ólafsson kemur inná fundinn undir þessum lið. 11. 2603003 - Refa og minkaveiði 2026-2028 Umræður um fyrirkomulag og stefnumótun til framtíðar. Viðar Þór kemur fyrir fundinn og fer yfir stöðuna. Nefndin felur honum og formanni nefndar að kalla veiðimenn til fundar til að ræða fyrirkomulag og kjör. 12. 2610006 - Umsókn um byggingarleyfi fyrir skemmu að Þurranesi Umsókn um byggingarleyfi fyrir skemmu, Þurranesi í Saurbæ. Nefndin gerir ekki athugasemd við áformin og felur byggingafulltrúa að afgreiða þegar fullnægjandi gögn hafa borist. Fleira ekki gert. Fundi slitið kl. 19:15
Til baka	Prenta