Til baka	Prenta
Atvinnumálanefnd Dalabyggðar - 48 Haldinn í stjórnsýsluhúsinu í Búðardal, 25.09.2024 og hófst hann kl. 16:00 Fundinn sátu: Garðar Freyr Vilhjálmsson formaður, Jón Egill Jóhannsson aðalmaður, Bjarnheiður Jóhannsdóttir aðalmaður, Sigurður Ólafsson varamaður, Jóhanna María Sigmundsdóttir Verkefnastjóri , Fundargerð ritaði: Jóhanna María Sigmundsdóttir, Verkefnastjóri atvinnu- kynningar- og menningarmála Sigurður Bjarni Gilbertsson boðaði forföll í við upphaf fundar, ekki náðist að boða varamann. Sigurður Ólafsson kom sem varamaður fyrir Sigrúnu Hönnu Sigurðardóttur. Lagt er til að mál nr. 2011018 - Áfangastaðaáætlun 2021-2023, verði tekið á dagskrá og verði dagskrárliður 3. Samþykkt samhljóða. Dagskrá:  Almenn mál Baldur Ingvarsson sat fundinn undir dagskrárlið 1. Björn Bjarki Þorsteinsson sveitarstjóri sat fundinn undir dagskrárlið 1 og 2. 1. 2402019 - Ferðaþjónusta í Dalabyggð 2024 (Gestir) Baldur Ingvarsson eigandi Staðarfells mætir á fundinn. Nefndin þakkar Baldri fyrir komuna og samtalið. 2. 2409016 - Markaðsmál 2024 Farið yfir stöðu markaðsmála á árinu 2024. - Upptökur á myndefni, umfjallanir í ferðablöðum, "Dalirnir heilla", samskipti við blaðamenn. - Ráðstöfum eftirstöðva fjármagns á deild kynningarmála. Farið yfir fyrstu drög að efni frá Broadstone og yfirlit yfir kynningarstarfsemi Dalabyggðar á árinu hingað til. 3. 2011018 - Áfangastaðaáætlun 2021-2023 Áfangastaðaáætlun Vesturlands verður uppfærð í haust - en áfangastaðaáætlun 2021-2023 er enn í gildi. Hvert sveitarfélag þarf því að yfirfara áherslulista fyrir sitt svæði. Verkefnastjóra falið að senda áherslulista til Markaðsstofu Vesturlands. Samþykkt samhljóða. afangastadaaaetlun-og-ahersluverkefni-vesturlandsstofa-2021-2023.pdf Mál til kynningar 4. 2409015 - Seglar Vesturlands út frá leitaráhuga Markaðsstofa Vesturlands fékk fyrirtækið Datera til að vinna skýslu fyrir sig yfir leitaráhuga á Vesturlandi. Í skýrslunni er gerð grein fyrir úttekt á leitaráhuga í Bandaríkjunum, Bretlandi, Þýskalandi, Frakklandi og Íslandi á ferðatengdum leitarorðum fyrir Vesturland. 5 vinsælustu ferðamannastaðir í Dalabyggð skv. skýrslunni (út frá leitaráhuga) eru Búðardalur, Guðrúnarlaug, Eiríksstaðir, Erpsstaðir og Hvammur - í þessari röð. Staðir sem eru næstir inn á listann eru m.a. Laugar í Sælingsdal, Ólafsdalur og Staðarfell. Lagt fram til kynningar. seglar-vesturlands-u-ttekt-vidauki-30.-mai-lokasky-sla..pdf 5. 2401029 - Upplýsingar um atvinnuleysi 2024 Apríl - Skráð atvinnuleysi í apríl var 3,6% og lækkaði úr 3,8% frá mars. Lækkaði á Vesturlandi úr 2,7% í 2,3% milli mánaða. Alls komu inn 390 ný störf sem auglýst voru í vinnumiðlun hjá Vinnumálastofnun í apríl, þar af 9 á Vesturlandi. Maí - Skráð atvinnuleysi í maí var 3,4% og lækkaði úr 3,6% frá apríl. Á Vesturlandi lækkaði það úr 2,3% í 2,1% milli mánaða. Alls komu inn 297 ný störf sem auglýst voru í vinnumiðlun hjá Vinnumálastofnun í maí, þar af 33 á Vesturlandi. Júní - Skráð atvinnuleysi í júní var 3,1% og lækkaði úr 3,4% frá maí. Stóð í stað (2,1%) á Vesturlandi. Alls komu inn 223 ný störf sem auglýst voru í vinnumiðlun hjá Vinnumálastofnun í júní, þar af 2 á Vesturlandi. Júlí - Skráð atvinnuleysi í júlí var 3,1% og stóð í stað frá júní. Hækkaði úr 2,1% í 2,4% á Vesturlandi. Alls komu inn 229 ný störf sem auglýst voru í vinnumiðlun hjá Vinnumálastofnun í júlí, þar af 9 á Vesturlandi. Ágúst - Skráð atvinnuleysi í ágúst var 3,2% og hækkaði úr 3,1% í júlí. Hækkaði úr 2,4% í 2,7% á Vesturlandi (mesta hækkun á landsbyggðinni). Alls kom inn 201 nýtt starf sem auglýst var í vinnumiðlun hjá Vinnumálastofnun í ágúst, þar af 16 á Vesturlandi. Lagt fram til kynningar. april-2024-skyrsla.pdf mai-2024-skyrsla.pdf juni-2024-skyrsla.pdf juli-2024-skyrsla.pdf agust-2024-skyrsla.pdf Fleira ekki gert. Fundi slitið kl. 18:18
Til baka	Prenta