Til baka	Prenta
Umhverfis- og skipulagsnefnd Dalabyggðar - 133 Haldinn í stjórnsýsluhúsinu í Búðardal, 01.12.2022 og hófst hann kl. 16:00 Fundinn sátu: Guðlaug Kristinsdóttir formaður, Baldvin Guðmundsson varamaður, Björn Henry Kristjánsson aðalmaður, Sigrún B Halldórsdóttir aðalmaður, Viðar Þór Ólafsson varamaður, Björn Bjarki Þorsteinsson sveitarstjóri, Arwa Fadhli Skipulagsfulltrúi, Fundargerð ritaði: Björn Bjarki Þorsteinsson, Sveitarstjóri Dagskrá:  Almenn mál 1. 2211039 - Umsókn um framkvæmdaleyfi vegna bílastæða, endurbætur á heimreið og göngustígum Þann 19. september 2022 sendi Minjavernd umsókn um framkvæmdaleyfi fyrir bílastæði, endurbætur á heimreið og göngustígum samkvæmt nýsamþykktu deiliskipulagi í Ólafsdal. Umhverfis- og skipulagsnefnd samþykkir erindið. Ólafsdalur ums um framkvæmdal 09.19.2022 (003).pdf 2. 2203002 - Breyting á deiliskipulagi í Ólafsdal Lögð voru fram gögn frá formanni Ólafsdalsfélagsins varðandi deiliskipulag jarðarinnar. Umhverfis- og skipulagsnefnd samþykkir að fela skipulagsfulltrúa að eiga samskipti við Skipulagsstofnun varðandi næstu skref í ferli málsins. 3. 2211038 - Óveruleg breyting á deiliskipulagi í Búðardal Þann 26. október 2022 lagði eigandi Brekkuhvamms 12 inn erindi sem sýnir að gildandi deiliskipulag er ekki rétt. Samkvæmt þeim gögnum sem hann hefur í höndum kemur fram að deiliskipulags uppdráttur stangast á við eignarétt hans. Það sem þarf að fjarlægja eru núverandi lóðamerkingar á lóð Brekkuhvamms 12 og 12a. Umhverfis- og skipulagsnefnd samþykkir að taka umræddar lóðir út af skipulagi. Þann 18. nóvember 2022 bað eigandi Bakkahvamms 13 um að stækka byggingarreit þannig að frá húsi að lóðamörkum séu 5m í stað 6m og færa bílastæði frá austurhluta yfir í vesturhluta. Umhverfis- og skipulagsnefnd samþykkir að fara í grenndarkynningu vegna þessa. Samkvæmt athugasemdum Minjastofnunar um tóft við Bakkahvamm 17 er mögulega gamall mókofi við lóðina. Umhverfis- og skipulagsnefnd beinir því til sveitarstjórnar að viðkomandi lóð verði ekki úthlutað að svo stöddu og horft verði til skipulags götunnar við endurskoðun á deiliskipulagi svæðisins. Ljóst er að endurskoða þarf gildandi deiliskipulag í enda Bakkahvamms og Efstahvamms, umhverfis- og skipulagsnefnd samþykkir að fresta umræðu um það verkefni að sinni. 4. 2211041 - Umsókn um framkvæmdaleyfi vegna efnisvinnslu í landi Erpsstaða Lögð var fram umsókn frá Vegagerðinni um framkvæmdaleyfi dagsett 29.nóvember 2022 vegna efnisvinnslu í landi Erpsstaða skv. 1. mgr. 14.gr. Skipulagslaga nr. 123/2010 og skilmálum í reglugerð um framkvæmdaleyfi nr. 772/2012. Tilgangur fyrirhugaðra framkvæmda er að tryggja hágæða klæðingarefni til viðhalds og nýframkvæmda á vegum í Dalabyggð. Jafnframt verður unnið efni til hálkuvarna fyrir þjónustustöð Vegagerðarinnar í Búðardal. Áætlaður verktími er 1.febrúar til 1.júlí 2023. Umhverfis- og skipulagsnefnd samþykkir að fresta afgreiðslu þessa máls og felur skipulagsfulltrúa að ræða við Vegagerðina um stöðu mála. Umsókn um framkvæmdaleyfi 29.11.2022.pdf Mál til kynningar 5. 2111026 - Sorphirða í Dölum Gera þarf breytingar á sorphirðingu vegna lagabreytinga sem kveða á um meiri sérsöfnun og breytileika í gjaldskrá (borgað þegar hent er, BÞHE). Lagt fram minnisblað, unnið af umsjónarmanni framkvæmda, þar sem farið er yfir fyrstu mögulegar útfærslur varðandi þessar breytingar. Umhverfis- og skipulagsnefnd er sammála um að fylgjast vel með þróun mála og mun taka málið til umræðu í upphafi árs 2023. Minnisblað_2022-11-24_breytingar.pdf 6. 2211040 - Hróðnýjarstaðir - Umsókn um byggingu smávindmyllu Lögð fram umsókn Magnúsar Jóhannessonar dags. 5.október 2022 um uppsetningu á smávindmyllu í landi Hróðnýjarstaða. Sótt er um byggingu 30kW vindtúrbínu á 16m. háum turni sem nota á til framleiðslu raforku. Vindmyllan er gerð fyrir 56.9 ms vindálag. Landið er landbúnaðarsvæði í núgildandi aðalskipulagi og í því er ekki fjallað um smávirkjanir. Samþykkt að fresta afgreiðslu málsins þar sem málið á sér ekki stað í núgildandi aðalskipulagi. 7. 2211044 - Umsókn um vegsvæði í landi Gunnarsstaða Umsókn um skráningu nýrrar landareignar í þjóðskrá. Umhverfis- og skipulagsnefnd samþykkir skráninguna. Umsókn Gunnarsstaðir_20221114_0001.pdf Fleira ekki gert. Fundi slitið kl. 18:45
Til baka	Prenta