Til baka	Prenta
Umhverfis- og skipulagsnefnd Dalabyggðar - 126 Haldinn í stjórnsýsluhúsinu í Búðardal, 27.04.2022 og hófst hann kl. 13:00 Fundinn sátu: Hörður Hjartarson formaður, Bjarnheiður Jóhannsdóttir ritari, Ragnheiður Pálsdóttir varaformaður, Vilhjálmur Arnórsson aðalmaður, Jón Egill Jónsson aðalmaður, Þórður Már Sigfússon Skipulagsfulltrúi, Grettir Örn Ásmundsson byggingarfulltrúi, Fundargerð ritaði: Þórður Már Sigfússon, Skipulagsfulltrúi Dagskrá:  Almenn mál 1. 2002053 - Endurskoðun Aðalskipulags Dalabyggðar Fyrir liggur tillaga að aðalskipulagi Dalabyggðar og minnisblað með svörum við athugasemdum í kjölfar yfirferðar Skipulagsstofnunar. Umhverfis- og skipulagsnefnd hefur yfirfarið umsögn Skipulagsstofnunar dags. 19.4.2022 um tillögu að aðalskipulagi Dalabyggðar og samþykkir að aðalskipulagstillagan og umhverfisskýrsla hennar verði auglýst í samræmi við 31. gr. skipulagslaga nr. 123/2010 og 15. gr. laga um umhverfismat framkvæmda og áætlana nr. 111/2021, að gerðum þeim lagfæringum sem lýst er í minnisblaði dags. 24.4.2022 með fyrirvara um afgreiðslu sveitarstjórnar um aðalskipulagsbreytingar vegna vindorkuvera í landi Hróðnýjarstaða og Sólheima. Samþykkt samhljóða. Aðalskipulag_Dalabyggðar_yfirferð skipulagsstofnunar (ID 272895).pdf ASK-Dalabyggdar 2020-2032-GRG-tillaga (ID 176795).pdf 2. 2106005 - Ærslabelgur í Búðardal Úr fundargerð 217. fundar sveitarstjórnar 05.04.2022, dagskrárliður 34: 2106005 - Ærslabelgur í Búðardal Lagt er til að ærslabelgur verði settur niður á strandblakvellinum í Búðardal. Til máls tók: Kristján, Jón Egill, Anna, Pálmi, Skúli og Kristján (annað sinn). Tillaga að staðsetning verði lögð fyrir ungmennaráð, umhverfis- og skipulagsnefnd og fræðslunefnd. Samþykkt samhljóða. Úr fundargerð 109. fundar fræðslunefndar 13.04.2022, dagskrárliður 1: 2106005 - Ærslabelgur í Búðardal Úr fundargerð 217. fundar sveitarstjórnar 05.04.2022, dagskrárliður 34: 2106005 - Ærslabelgur í Búðardal Lagt er til að ærslabelgur verði settur niður á strandblakvellinum í Búðardal. Til máls tók: Kristján, Jón Egill, Anna, Pálmi, Skúli og Kristján (annað sinn). Tillaga að staðsetning verði lögð fyrir ungmennaráð, umhverfis- og skipulagsnefnd og fræðslunefnd. Samþykkt samhljóða. Fræðslunefnd mælir með því að ærslabelgurinn verði settur niður á strandblakvellinum. Samþykkt samhljóða. Nefndin tekur vel í erindið og leggur til að strandblaksvöllurinn verði skoðaður sem fyrsti valkostur fyrir ærslabelg þar sem kostnaður við undirlag verður í lágmarki. Samþykkt samhljóða. Ærslabelgur.pdf Búðardalur - Ærslabelgir - 2021.pdf 3. 2204021 - Stofnun lóðar í Giljalandi Fyrir liggur umsókn um stofnun lóðar úr landi Giljalands, landnr. 137528. Nefndin gerir ekki athugasemd við stofnun lóðarinnar. Samþykkt samhljóða. Giljaland-skemma-lóðamynd-1.01-2022.04.03.pdf Mál til kynningar 4. 2003041 - Sólheimar - breyting á aðalskipulagi vegna vindorkuvers Ákvörðun ráðherra varðandi breytingu á aðalskipulagi Dalabyggðar vegna vindorkuvers í landi Sólheima. Nefndin tekur undir með ráðherra um óhóflegar tafir á afgreiðslu málsins hjá Skipulagsstofnun. Þar sem fyrir liggur ákvörðun ráðherra um synjun á breytingu á aðalskipulagi Dalabyggðar vegna vindorkuvers í landi Sólheima leggur skipulagsnefnd til við sveitarstjórn að umrætt iðnaðarsvæði verði skilgreint sem varúðarsvæði. Samþykkt samhljóða. Ákvörðun ráðherra í máli IRN22011084 varðandi breytingar á aðalskipulagi Dalabyggðar.pdf 5. 2003042 - Hróðnýjarstaðir - breyting á aðalskipulagi vegna vindorkuvers Ákvörðun ráðherra varðandi breytingu á aðalskipulagi Dalabyggðar vegna vindorkuvers í landi Hróðnýjarstaða. Nefndin tekur undir með ráðherra um óhóflegar tafir á afgreiðslu málsins hjá Skipulagsstofnun. Þar sem fyrir liggur ákvörðun ráðherra um synjun á breytingu á aðalskipulagi Dalabyggðar vegna vindorkuvers í landi Hróðnýjarstaða leggur skipulagsnefnd til við sveitarstjórn að umrætt iðnaðarsvæði verði skilgreint sem varúðarsvæði. Samþykkt samhljóða. Ákvörðun ráðherra í máli IRN22011084 varðandi breytingar á aðalskipulagi Dalabyggðar.pdf Fleira ekki gert. Fundi slitið kl. 14:45
Til baka	Prenta