Til baka	Prenta
Byggðarráð Dalabyggðar - 345 Haldinn í stjórnsýsluhúsinu í Búðardal, 26.02.2026 og hófst hann kl. 12:00 Fundinn sátu: Skúli Hreinn Guðbjörnsson formaður, Guðlaug Kristinsdóttir aðalmaður, Garðar Freyr Vilhjálmsson varaformaður, Björn Bjarki Þorsteinsson sveitarstjóri, Fundargerð ritaði: Björn Bjarki Þorsteinsson, sveitarstjóri Lagt til að máli nr. 2602034 - Styrkvegir 2026, verði bætt á dagskrá og verði dagskrárliður 14. Dagskrá:  Almenn mál 1. 2406005 - Íþróttamannvirki í Búðardal Rætt um stöðu mála við lokafrágang Íþróttamiðstöðvarinnar í Búðardal en mannvirkið verður vígt laugardaginn 28. febrúar n.k. 2. 2602005 - Ræstingar fyrir Dalabyggð Rætt um stöðu samnings um ræstingar í Auðarskóla og Stjórnsýsluhúsi en 3 ár verða liðin þann 31. júlí 2026 frá því samningurinn var gerður í kjölfar verðkönnunar. Heimilt er að framlengja samninginn um 1 ár í senn að hámarki tvisvar sinnum. Byggðarráð samþykkir að fela sveitarstjóra að ræða við verktaka um framlengingu skv. ákvæðum í núverandi samningi. 3. 2602006 - Mötuneyti Auðarskóla Rætt um stöðu samnings um rekstur mötuneytis Auðarskóla en 3 ár verða liðin þann 31. júlí 2026 frá því samningurinn var gerður í kjölfar útboðs. Heimilt er að framlengja samninginn um 1 ár í senn að hámarki tvisvar sinnum. Byggðarráð samþykkir að fela sveitarstjóra að ræða við verktaka um framlengingu skv. ákvæðum í núverandi samningi. 4. 2602012 - Umsagnarleyfi um tækifærisleyfi Lionsklúbbur Búðardals kótilettukvöld Sýslumaðurinn á Vesturlandi óskar eftir umsögn um tækifærisleyfi til áfengisveitinga á kótilettukvöldi sem halda á þann 21. mars n.k. með vísan til 17. gr. laga nr. 85/2007. Samkvæmt 28. gr. lögreglusamþykktar Dalabyggðar nr.375/2016 skal aldurstakmark á dansleiki og skemmtanir innan Dalabyggðar miðast við fæðingarár, eða þá sem verða 18 ára á árinu. Byggðarráð gerir ekki athugasemdir við veitingu tækifærisleyfis til áfengisveitinga í Dalabúð. 5. 2602031 - Vatnsveita Rætt um stöðu og fyrirkomulag á afhendingu á köldu vatni. Byggðarráð samþykkir, áður en hugað verði að skilgreiningu á veitusvæði, að skoðað verði með afhendingaröryggi/þol m.v. fjölda núverandi notenda. 6. 2406029 - Félagsheimilið Tjarnarlundur Kynnt framkomið erindi varðandi framtíð Félagsheimilisins Tjarnarlundar. Byggðarráð samþykkir að bjóða fulltrúum hópsins sem um ræðir á næsta fund byggðarráðs. 7. 2602019 - Samstarfssamningar við nágranna sveitarfélög Rætt um stöðu gildandi samstarfssamninga við nágranna sveitarfélög. Byggðarráð samþykkir að kanna jarðveginn fyrir auknu samstarfi á ákveðnum sviðum á Vesturlandsvísu og felur sveitarstjóra að opna á samtalið í gegnum Samtök sveitarfélaga á Vesturlandi. 8. 2601020 - Búseturúrræði fyrir börn með fjölþættan vanda Framlagður samningur við BOFS um fjármögnun sérhæfðrar þjónustu við börn með fjölþættar stuðningsþarfir sem búsett eru utan heimilis á árinu 2026. Byggðarráð staðfestir framkomin samning. 9. 2602017 - Starfsmannamál Rætt um starfsmannamál. 10. 2602018 - Laun og launakjör kjörinna fulltrúa Rætt um launakjör kjörinna fulltrúa í sveitarstjórn Dalabyggðar og nefndum og ráðum á vegum sveitarfélagsins. Samþykkt að vísa til vinnufundar sveitarstjórnar. 11. 2601023 - Niðurfærsla viðskiptakrafna Kynnt tillaga um að varúðarniðurfærsla vegna útistandandi viðskiptakrafna verði hækkuð um 4,9 millj.kr. frá því sem nú er vegna útistandandi krafna í lok árs 2025 og með t.t. þeirra afskrifta sem grípa þurfti til á árinu 2025. Byggðarráð samþykkir framkomna tillögu. 12. 2602030 - Ársreikningur Dalabyggðar 2025 Kynnt staða mála á vinnu við gerð ársreiknings Dalabyggðar fyrir árið 2025. 13. 2602034 - Styrkvegir 2026 Kynnt tillaga að umsókn Dalabyggðar í styrkvegasjóð 2026. Byggðarráð samþykkir framkomna tillögu. Fleira ekki gert. Fundi slitið kl. 14:30
Til baka	Prenta