Til baka	Prenta
Byggðarráð Dalabyggðar - 331 Haldinn í stjórnsýsluhúsinu í Búðardal, 23.01.2025 og hófst hann kl. 14:40 Fundinn sátu: Skúli Hreinn Guðbjörnsson formaður, Guðlaug Kristinsdóttir aðalmaður, Garðar Freyr Vilhjálmsson varaformaður, Björn Bjarki Þorsteinsson sveitarstjóri, Fundargerð ritaði: Jóhanna María Sigmundsdóttir, Verkefnastjóri atvinnu- kynningar- og menningarmála Dagskrá:  Almenn mál Kristján Ingi Arnarsson, umsjónarmaður framkvæmda sat fundinn undir dagskrárlið 1. 1. 2406005 - Íþróttamannvirki í Búðardal Rætt um stöðu framkvæmda við íþróttamannvirki í Búðardal. Staða mála rædd. Kristján Ingi Arnarsson, umsjónarmaður framkvæmda sat fundinn undir dagskrárlið 2. 2. 2209012 - Laugar í Sælingsdal Staða mála í samskiptum við meðeiganda að Laugum sem og kaupleigutaka kynnt. Staða mála rædd. 3. 2403014 - Miðbraut 11 Á 329. fundi byggðarráðs sem haldinn var þann 7.11.2024 var sveitarstjóra falið að eiga viðræður við FSRE um möguleg kaup á hluta ríkisins í húseigninni að Miðbraut 11 í Búðardal. Í kjölfar þeirra viðræðna sendi sveitarstjóri tilboð í eignarhlutinn að fengnu samþykki byggðarráðsmanna sem nú hefur fengist samþykkt. Sveitarstjóra falið að ganga frá samningum í samræmi við samskipti við FSRE um kaupverð. Kristján Ingi Arnarsson, umsjónarmaður framkvæmda sat fundinn undir dagskrárlið 4. 4. 2501036 - Fjárhagsáætlun 2025- Viðauki I Framlögð tillaga að Viðauka I við fjárhagsáætlun 2025. Rekstrarkostnaður A-sjóðs, eftirfarandi breytingar eru lagðar til: - Samráðsnefnd um sameiningu sveitarfélaga kr. 8.000.000 í tekjur og gjöld á móti (stuðningur/styrkur frá Jöfnunarsjóði) - Afleysing á skrifstofu Dalabyggðar kr. 3.719.000,- - Umsjón með Dalabúð kr. 800.000,- - Barnavernd, sértæk úrræði kr. 25.000.000,- Samtals hækkar kostnaður A-sjóðs um kr. 29.519.000,- og er til lækkunar á handbæru fé. Eignfærslur - Kaup á fasteign að Miðbraut 11 - 9.650.000,- Framkvæmdir sem náðist ekki að klára á árinu 2024 og voru færðar yfir á árið 2025: - Silfurtún - 7 m.kr. - Dalaveitur vegna hitaveitu á Laugum - 4 m.kr. Samtals eignfærslur eru því alls kr. 20.500.000,- til lækkunar á handbæru fé. Heildaráhrif þessa eru því alls kr. 50.171.000,- til lækkunar á handbæru fé. Samþykkt samhljóða með áorðnum breytingum. Umsjónarmanni framkvæmda falið að sækja um í framkvæmdarsjóð aldraðra fyrir framkvæmdum á Silfurtúni til móts við framlag sveitarfélagsins. Samþykkt samhljóða. 5. 2501016 - Útsvar og fasteignaskattur 2025 Elli- og örorkulífeyrisþegar, með lögheimili og búsetu í Dalabyggð, njóta afsláttar af fasteignaskatti og holræsagjaldi, sem lagt er á íbúðarhúsnæði í eigu viðkomandi enda hafi hann þar búsetu og hafi ekki af því leigutekjur. Upplýsingar Tryggingastofnunar (TR) um tekjuviðmið höfðu ekki verið birtar þegar gögn voru unnin fyrir sveitarstjórnarfund í desember og því samþykkt að viðmið fyrir afslátt ellilífeyrisþega og öryrkja yrðu birt á heimasíðu Dalabyggðar þegar tilkynnt yrði um álagningu fasteignagjalda 2025. Hérna eru lögð fram drög að þeim viðmiðum (sjá töflu). Samþykkt samhljóða. Gjaldskrá - fasteignagjöld 2025 - tilb. (2).pdf 6. 2210026 - Uppbygging innviða - atvinnuhúsnæði Farið yfir stöðu mála í kjölfar undritunar viljayfirlýsingar um aukna aðkomu Byggðastofnunar að uppbyggingu atvinnuhúsnæðis í Búðardal í desember sl. Fjárfestingafélagið Hvammur ehf. í samstarfi við Byggðastofnun og sveitarfélagið Dalabyggð hefur nú auglýst eftir fjárfestum vegna byggingar atvinnuhúsnæðis í Búðardal. Leitað er að samstarfsaðilum sem vilja koma inn sem fjárfestar í verkefninu, byggingaraðilum sem jafnframt hafa áhuga á því að fjárfesta í verkefninu eða kaupendum á eignarhlut í húsnæðinu. Áhugasamir skulu skila inn skriflegu erindi fyrir mánudaginn 3. febrúar n.k. 7. 2411015 - Málefni Brunavarna Dala, Reykhóla og Stranda bs Rætt um stöðu mála í samstarfi því sem í gangi er við Reykhóla og Strandir um rekstur embættis slökkviliðsstjóra. Sveitarstjóra falið að vinna áfram að málinu í samræmi við umræður á fundinum. 8. 2412005 - Umsókn um stuðning til náms Rætt um framkoman umsókn um stuðning til náms. Samþykkt samhljóða með vísan til reglna Dalabyggðar um stuðning við nema í leikskólakennarafræðum. 9. 2501023 - Hjólarampur Framlagður tölvupóstur þess efnis að Ungmennafélagið Ólafur pá hefur nú fengið úthlutaðan styrk upp á kr. 300.000,- til uppsetningar á hjólarampi. Í fyrrgreindum tölvupósti er spurst fyrir um hvort Dalabyggð sé tilbúin til að styðja við verkefnið í tengslum við að finna rampnum stað og við uppsetningu hans. Byggðarráð tekur jákvætt í erindið og felur umsjónarmanni framkvæmda að skoða staðsetningu meðfram vinnu við skólalóð Auðarskóla. 10. 2501022 - Umsagnarbeiðni tækifærisleyfi, Þorrablót UMF Stjarnan Tjarnarlundi Sýslumaðurinn á Vesturlandi óskar eftir umsögn um tækifærisleyfi vegna þorrablóts 1. febrúar n.k. með vísan til 17. gr. laga nr. 85/2007. Samkvæmt 28. gr. lögreglusamþykktar Dalabyggðar nr.375/2016 skal aldurstakmark á dansleiki og skemmtanir innan Dalabyggðar miðast við fæðingarár, eða þá sem verða 18 ára á árinu. Byggðarráð gerir ekki athugasemdir við veitingu tækifærisleyfis vegna þorrablóts í Tjarnarlundi. 11. 2501032 - Umsagnarbeiðni tækifærisleyfi, Þorrablót UMF Ólafur Pá Dalabúð Sýslumaðurinn á Vesturlandi óskar eftir umsögn um tækifærisleyfi vegna þorrablóts 25. janúar n.k. með vísan til 17. gr. laga nr. 85/2007. Samkvæmt 28. gr. lögreglusamþykktar Dalabyggðar nr.375/2016 skal aldurstakmark á dansleiki og skemmtanir innan Dalabyggðar miðast við fæðingarár, eða þá sem verða 18 ára á árinu. Byggðarráð gerir ekki athugasemdir við veitingu tækifærisleyfis vegna þorrablóts í Dalabúð. 12. 2501026 - Leyfi til skemmtanahalds í Árbliki vegna 50. Þorrablót Suðurdala Sýslumaðurinn á Vesturlandi óskar eftir umsögn um tækifærisleyfi vegna þorrablóts 8. febrúar n.k. með vísan til 17. gr. laga nr. 85/2007. Einnig er óskað eftir heimild til að hafa dansleik í tengslum við þorrablót til kl. 03:00/04:00. Samkvæmt 28. gr. lögreglusamþykktar Dalabyggðar nr.375/2016 skal aldurstakmark á dansleiki og skemmtanir innan Dalabyggðar miðast við fæðingarár, eða þá sem verða 18 ára á árinu. Byggðarráð gerir ekki athugasemdir við veitingu tækifærisleyfis vegna þorrablóts í Árbliki. 13. 2501034 - Umsagnarbeiðni tækifærisleyfi, Þorrablót Staðarfelli Sýslumaðurinn á Vesturlandi óskar eftir umsögn um tækifærisleyfi vegna þorrablóts 15. febrúar n.k. með vísan til 17. gr. laga nr. 85/2007. Samkvæmt 28. gr. lögreglusamþykktar Dalabyggðar nr.375/2016 skal aldurstakmark á dansleiki og skemmtanir innan Dalabyggðar miðast við fæðingarár, eða þá sem verða 18 ára á árinu. Byggðarráð gerir ekki athugasemdir við veitingu tækifærisleyfis vegna þorrablóts á Staðarfelli. Fleira ekki gert. Fundi slitið kl. 16:30
Til baka	Prenta