Farið yfir stöðu framkvæmda við íþróttamiðstöðina.
Rætt um hönnun á Lóð/umhverfi íþróttamannvirkja m.t.t. skólalóðar og næsta nágrennis.

Sveitarstjórn Dalabyggðar tók til fyrri umræðu tillögu að uppfærðri fjallskilasamþykkt á 255. fundi sínum og stefnt er að seinni umræðu á 256. fundi sveitarstjórnar sem haldinn verður 8. maí n.k.

Framlögð umsókn um styrk vegna greiðslu fasteignaskatts.

Framlögð umsókn um styrk vegna greiðslu fasteignaskatts.

Lögð fram fyrirspurn Eftirlitsnefndar með fjármálum sveitarfélaga til framkvæmdastjóra sveitarfélaga landsins um fjárhagsleg áhrif nýrra kjarasamninga við kennara og viðbrögð við þeim.

Sveitarstjóri fór yfir stöðu mála en unnið er að lokafrágangi á sölu húseigna og landspildu til kaupleigutaka á grundvelli samnings frá því í júli 2022.

Rætt um stöðu mála í óformlegum könnunarviðræðum Dalabyggðar og Húnaþings vestra um mögulega sameiningu sveitarfélaganna tveggja.

Sveitarstjóri fór yfir mál er varða starfsmannahald og viðbrögð við manneklu á einstaka starfsstöðvum.
Einnig rætt um jafnlaunavottun og stefnur Dalabyggðar er varða starfsmannamál og starfsmannahald.

Linda Guðmundsdóttir, verkefnastjóri DalaAuðs kemur fyrir fundinn og fer yfir stöðuna.
Ársskýrsla DalaAuðs 2024 hefur verið birt á heimasíðu Byggðastofnunar og hægt að nálgast hana á heimasíðu Dalabyggðar.
Linda fór einnig yfir þau verkefni sem stuðningur hefur fengist til í gegnum C1 sjóð Byggðarstofnunar ætlaðan til sértækara verkefna á landsbyggðinni.

Skólastjóri kynnti stöðu mála er varðar daglegt starf í grunnskólanum. Fór yfir stöðu í starfsmannamálum og horfur á komandi skólaári.
Lögð fram tillaga að skóladagatali fyrir komandi skólaár.
Skólastjóri sagði frá nemendaþingi sem í gangi var fyrr í dag.

Skólastjóri kynnti stöðu mála er varðar daglegt starf í leikskólanum. Einnig var rætt um hvort taka ætti upp reiknireglu varðandi mönnun í anda barngilda eins og var á sínum tíma.
Lögð fram tillaga að skóladagatali fyrir komandi skólaár.

Rætt um gildandi verklagsreglur um starfsemi leikskólans, s.s. um viðmið um viðbragð þegar mannekla er vegna veikinda eða annarra aðstæðna sem upp kunna að koma í starfseminni.

Skólastjóri kynnti stöðu mála er varðar daglegt starf í tónlistarskólanum og um starfsmannahald á komandi skólaári.

Verkefnastjóri fjölskyldumála kynnti stöðu mála varðandi innleiðingu farsældarlaga í Dalabyggð.

Farið yfir stöðu mála í starfsemi félagsmiðstöðvarinnar það sem af er og ennig rætt um mögulega útfærslu á starfsemi á komandi hausti.

Rætt um stöðu tómstundastarfs í Dalabyggð og undirbúning starfs í málaflokknum n.k. sumar í framhaldi af umræðum á síðasta fundi.

Rætt um verkefni tengd lýðheilsu í Dalabyggð og möguleika til að verða t.d. aðili að landsverefni sbr. "Heilsueflandi samfélag".

Lagt til að skýrslur um forgangsröðun vegaframkvæmda og fjarskiptamál í Dalabyggð verði sameinaðar í eina skýrslu er fjallar um forgangsröðun innviða í Dalabyggð.

Haldinn var fundur með fjallskilanefndum mánudaginn 7. apríl sl.
Nefndum var gefinn frestur til og með 30. apríl til að skila inn athugasemdum.
Fjallskilasamþykktin var tekin til fyrri umræðu með áorðnum breytingum á fundi sveitarstjórnar 10. apríl sl.

Erindi barst er varðar möguleika á byggðakvóta í Dalabyggð.

Skráð atvinnuleysi á landsvísu í mars var 4,2% og lækkaði úr 4,3% frá febrúar.
Atvinnuleysi var 4,1% á landsbyggðinni og á Vesturlandi lækkaði atvinnuleysi úr 3,5% í febrúar í 2,9% í mars.
Atvinnulausum fækkaði í flestum atvinnugreinum í mars. Mest var fækkunin í farþegafluningum með flugi en atvinnulausum fjölgaði í þremur atvinnugreinum, mest þó í sérfræðiþjónustu.
Alls komu inn 272 ný störf sem auglýst voru í vinnumiðlun hjá Vinnumálastofnun í mars, þar af 17 á Vesturlandi.

Til afgreiðslu er fyrirliggjandi tillaga að deiliskipulagi í Búðardal. Um er að ræða
skipulagssvæðið norðan Miðbrautar sem tekur til íbúðarbyggðar ÍB2 og ÍB3 við Búðarbraut, Dalbraut, Gunnarsbraut og Sunnubraut. Aðliggjandi er svæði fyrir samfélagsþjónustu S14 sem er reitur dvalarheimilisins Silfurtúns.
Einnig er um að ræða miðsvæði M1 norðan Miðbrautar og aðliggjandi opins svæðis OP9.
Skipulagssvæðið sunnan Miðbrautar tekur til íbúðarbyggðar ÍB5 við Ægisbraut og Stekkjarhvamm og aðliggjandi opins svæðis OP4 suðvestan skólasvæðisins og Dalabúðar. Deiliskipulagið nær inn á útivistarsvæði OP3 meðfram ströndinni.

Framlögð umsókn um framkvæmdaleyfi vegna skógræktar.

Framlögð umsókn um breytingu á staðfangi.

Framlögð umsókn um framkvæmdaleyfi vegna lagningar ljósleiðara í Búðardal.