Til baka	Prenta
Byggðarráð Dalabyggðar - 318 Haldinn í stjórnsýsluhúsinu í Búðardal, 02.02.2024 og hófst hann kl. 13:00 Fundinn sátu: Guðlaug Kristinsdóttir varaformaður, Þuríður Jóney Sigurðardóttir varamaður, Garðar Freyr Vilhjálmsson aðalmaður, Björn Bjarki Þorsteinsson sveitarstjóri, Jóhanna María Sigmundsdóttir Verkefnastjóri. Fundargerð ritaði: Jóhanna María Sigmundsdóttir, Verkefnastjóri atvinnu- kynningar- og menningarmála Dagskrá:  Almenn mál 1. 2308002 - Deiliskipulag í Búðardal 2023 Framlögð kostnaðaráætlun frá Verkfræðistofunni Eflu vegna vinnu við deiliskipulag í Hvömmum. Byggðarráð samþykkir framlagða kostnaðaráætlun vegna vinnu við deiliskipulag í Hvömmum. 2. 2401044 - Fjárhagsáætlun 2024 - Viðauki I Framlögð tillaga að Viðauka 1 við fjárhagsáætlun 2024. Hækka kostnað v.Barnaverndar kr. 27.000.000 Tekjur v.mótframlags ríkisins allt að kr. 5.400.000 Hækkun kostnaðar v.Lengdrar viðveru kr. 1.967.000 Hækkun kostnaðar v.Deiluskipulags kr. 2.000.000 Hækkun á húsaleigutekjum kr. 11.900.000 Samtals breytingar á A-sjóði kr. 13.667.000 og til lækkunar á handbæru fé Viðauki_1.pdf 3. 2312008 - Ábyrgð á ráðstöfun aukaafurða dýra (dýraleifa) Framlagt afrit af minnisblaði frá Sambandi íslenskra sveitarfélaga sem sent var til Umhverfis-, orku- og loftslagsráðuneytinu vegna ábyrgðar á ráðstöfun dýraleifa. Byggðarráð þakkar fyrir minnisblaðið og hvetur til þess að málinu sé komið í réttan farveg eins og lýst er í framlögðu minnisblaði. minnisblad ábyrgd á radstofun dyraleifa utsent.pdf 4. 2110010 - Sjúkraþjálfun í Dalabyggð Framlagt erindi vegna mögulegrar starfsemi sjúkraþjálfunar í Dalabyggð og regluverks Sjúkratrygginga Íslands. Byggðarráð þakkar fyrir erindið og felur sveitarstjóra að eiga samskipti við Sjúkratryggingar Íslands og heilbrigðisráðherra í samræmi við erindið og umræður á fundinum. Erindi á byggðaráð_sjúkraþjálfun.pdf 5. 2401017 - Heilsuefling Framlagt erindi með hvatningu um að heilsuefling fyrir eldri borgara í Dalabyggð verði efld með t.d. samstarfi við Janus heilsueflingu Byggðarráð þakkar fyrir erindið. Þá bendir ráðið á nýgerðan samning sveitarfélagsins við Umf. Óla pá um gjaldfrjáls afnot elli- og örorkulífeyrisþega af líkamsræktinni að Vesturbraut 8 og því góða starfi sem Íþróttafélagið Undri hefur haldið úti fyrir eldri borgara í aðstöðunni. Sveitarfélagið leitar reglulega leiða til að stuðla að heilsueflingu íbúa og verður erindið tekið með til frekari skoðunar í þeim málum. 6. 2401021 - Varúðarniðurfærsla skattkrafna 2023 Kynnt tillaga um að varúðarniðurfærsla vegna útistandandi skattkrafna verði hækkuð. Samþykkt samhljóða. 7. 2401022 - Skólavist utan lögheimilissveitarfélags Kynnt umsókn um leikskólavist í Auðarskóla. Samþykkt samhljóða. 8. 2311019 - Umhverfis-, orku- og loftslagsráðherra, starfshópur í Dalabyggð Sveitarstjóri kynnti stöðu á vinnu starfshópsins. Mánudaginn 29. janúar var haldinn opinn fundur með starfshópi ráðuneytisins. Verið er að taka saman punkta frá fundinum sem verða birtir á næstu dögum. 9. 2401037 - Umsagnarb. tækifærisleyfi Þorrablót Suður-Dala Sýslumaðurinn á Vesturlandi óskar eftir umsögn um tækifærisleyfi vegna þorrablóts 10. febrúar n.k. með vísan til 17. gr. laga nr. 85/2007. Samkvæmt 28. gr. lögreglusamþykktar Dalabyggðar nr.375/2016 skal aldurstakmark á dansleiki og skemmtanir innan Dalabyggðar miðast við fæðingarár, þ.e. fædd 2006 eða 18 ára á árinu. Sveitarstjórn gerir ekki athugasemdir við veitingu tækifærisleyfis vegna þorrablóts í Árbliki 10. febrúar 2024. 10. 2401042 - Umsagnarbeiðni Rekstrarleyfi Sælukotið Árblik Framlögð umsagnarbeiðni frá Sýslumanninum á Vesturlandi varðandi útgáfu rekstrarleyfis. Byggðarráð gerir ekki athugasemdir við rekstrarleyfi með þeim fyrirvara að rekstraraðili hafi gert samning vegna sorphirðu. Samþykkt samhljóða. 11. 2204013 - Íþróttamannvirki í Búðardal Rætt um stöðu mála varðandi uppbyggingu íþróttamannvirkja í Búðardal Sveitarstjóra falið að vinna áfram að málinu í samræmi við umræður á fundinum. 12. 2305019 - Dalaveitur/ljósleiðarahluti Rætt um ljósleiðarakerfi Dalaveitna, stöðu og horfur. Sveitarstjóri mun eiga fund með Mílu um miðjan mánuðinn. Fleira ekki gert. Fundi slitið kl. 14:07
Til baka	Prenta