Til baka	Prenta
Atvinnumálanefnd Dalabyggðar - 50 Haldinn í stjórnsýsluhúsinu í Búðardal, 27.01.2025 og hófst hann kl. 16:00 Fundinn sátu: Garðar Freyr Vilhjálmsson formaður, Jón Egill Jóhannsson aðalmaður, Bjarnheiður Jóhannsdóttir aðalmaður, Sigurður Bjarni Gilbertsson aðalmaður, Sigurður Ólafsson varamaður, Jóhanna María Sigmundsdóttir Verkefnastjóri , Fundargerð ritaði: Jóhanna María Sigmundsdóttir, Verkefnastjóri atvinnu- kynningar- og menningarmála Dagskrá:  Almenn mál Karl B. Örvarsson og Halldóra Árnadóttir koma sem gestir fyrir fundinn undir dagskrárlið 1. 1. 2501038 - Ferðaþjónusta í Dalabyggð 2025 Gestir - Dalahótel. Nefndin þakkar Karli og Halldóru fyrir komuna og samtalið. 2. 2410009 - Fjallskilasamþykkt Á 248. fundi sveitarstjórnar var fjallað um fjallskil og þar m.a. bókað að byggðarráð tæki fyrir endurskoðun fjallskilasamþykktar. Á 329. fundi byggðarráðs var svo bókað að sveitarstjóri og formaður atvinnumálanefndar myndu funda með formönnum fjallskilanefnda upp úr áramótum. Staða mála rædd og formaður fylgir umræðum af fundinum eftir, á fundum með formönnum fjallskilanefnda. Fjallskilasamþykkt.pdf Mál til kynningar 3. 2501001 - Uppbygging atvinnuhúsnæðis í Búðardal Staða tilraunaverkefnis Byggðastofnunar í samstarfi við Dalabyggð kynnt. Staða mála rædd. Lagt fram til kynningar. Screenshot 2025-01-23 120938.pdf 4. 2410006 - Sjálfbær atvinnusvæði á Vesturlandi Atvinnumálanefnd tók fyrir á fundi sínum í október skýrslu sem KPMG vann fyrir SSV um greiningu á sjálfbærum atvinnusvæðum á Vesturlandi. Hér er lögð fram skýrsla um græna iðngarða - skilgreining, markmið og ávinningur. Lagt fram til kynningar. Grænir iðngarðar í hnotskurn.pdf Sjálfbær atvinnusvæði á Vesturlandi..pdf 5. 2501035 - Handbók til sveitarfélaga um uppbyggingu ferðamannastaða Sveitarfélög koma oft að þróun, leyfisveitingum og framkvæmdum við ferðamannastaði en stundum leikur vafi á atriðum varðandi ábyrgð, rekstur og framtíðarsýn um staðina. Þá hefur þótt vanta forsendur og verkferla við ákvarðanatöku. Í samráði við Ferðamálastofu vann Markaðsstofa Suðurlands handbók sem á að auðvelda sveitarfélögum í stefnumótun, ákvörðunum og aðgerðum við uppbyggingu ferðamannastaða. Í handbókinni er leitast við að aðstoða sveitarfélög í að meta hvert hlutverk þeirra er í uppbyggingu áfangastaða, hver hagur þeirra er af ferðamannastöðum og til hvaða þátta þarf að líta í allri ákvarðanatöku. Lagt fram til kynningar. handbok-til-sveitarfelaga-um-uppbyggingu-ferdamannastada-2025 (1)..pdf 6. 2401029 - Upplýsingar um atvinnuleysi 2024 Skráð atvinnuleysi í október var 3,4% og hækkaði úr 3,3% í september. Atvinnuleysi á Vesturlandi stóð í stað frá fyrri mánuði og var 2,8%. Atvinnulausum fjölgaði í flestum atvinnugreinum í október, mest var fjölgunin í farþegaflutningum með flugi. Atvinnulausum fækkaði lítillega í lok október í fjórum atvinnugreinum mest þó í opinberri þjónustu. Alls komu inn 167 ný störf sem auglýst voru í vinnumiðlun hjá Vinnumálastofnun í október, þar af 3 á Vesturlandi. Skráð atvinnuleysi í nóvember var 3,7% og hækkaði úr 3,4% í október. Atvinnuleysi á Vesturlandi hækkaði í 3,2%. Atvinnulausum fjölgaði í flestum atvinnugreinum í nóvember, mest var fjölgunin í farþegaflutningum með flugi. Atvinnulausum fækkaði lítillega í lok nóvember í fjórum atvinnugreinum mest þó í fiskveiðum, -eldi og -vinnslu. Alls komu inn 176 ný störf sem auglýst voru í vinnumiðlun hjá Vinnumálastofnun í nóvember, þar af 22 á Vesturlandi. Skráð atvinnuleysi í desember hækkaði um 0,1% bæði á landsvísu (3,8%) og á Vesturlandi (3,3%). Atvinnulausum fjölgaði í flestum atvinnugreinum í desember, mest var fjölgunin í byggingariðnaði. Atvinnulausum fækkaði lítillega í lok nóvember í fimm atvinnugreinum mest þó í opinberri þjónustu. Alls komu inn 78 ný störf sem auglýst voru í vinnumiðlun hjá Vinnumálastofnun í desember, þar af aðeins 1 á Vesturlandi. Lagt fram til kynningar. Okt_ber_2024_sk_rsla.pdf N_vember_2024_sk_rsla.pdf Desember_2024_sk_rsla.pdf Fleira ekki gert. Fundi slitið kl. 18:11
Til baka	Prenta