Til baka	Prenta
Byggðarráð Dalabyggðar - 336 Haldinn í stjórnsýsluhúsinu í Búðardal, 05.06.2025 og hófst hann kl. 14:00 Fundinn sátu: Skúli Hreinn Guðbjörnsson formaður, Guðlaug Kristinsdóttir aðalmaður, Þuríður Jóney Sigurðardóttir varamaður, Garðar Freyr Vilhjálmsson varaformaður, Björn Bjarki Þorsteinsson sveitarstjóri, Jóhanna María Sigmundsdóttir Verkefnastjóri. Fundargerð ritaði: Jóhanna María Sigmundsdóttir, Verkefnastjóri atvinnu- kynningar- og menningarmála Lagt er til að mál nr. 2301067, Starfsmannamál, verði tekið á dagskrá og verði dagskrárliður nr. 14. Lagt til að mál nr. 2506001, Lóðir til úthlutunar í Búðardal, verði tekið á dagskrá og verði dagskrárliður nr. 15. Lagt er til að mál nr. 2210026, Uppbygging innviða - íbúðarhúsnæði, verði tekið á dagskrá og verði dagskrárliður nr. 16. Samþykkt samhljóða. Dagskrá:  Almenn mál Skúli Hreinn Guðbjörnsson víkur af fundi undir dagskrárlið 1. Þuríður Sigurðardóttir kemur inn á fundinn í hans stað. 1. 2407002 - Fjárhagsáætlun 2025-2028 Sala á félagsheimilinu Árbliki. Framlagt undirritað og samþykkt kauptilboð í eignina. Byggðarráð samþykkir framlagt kauptilboð og vísar málinu til sveitarstjórnar. Þuríður víkur af fundi eftir dagskrárlið 1. Skúli Hreinn kemur inn á fundinn á ný. 2. 2209012 - Laugar í Sælingsdal - samskipti Sveitarstjóri fór yfir stöðu mála en unnið er að lokafrágangi á sölu húseigna og landspildu til kaupleigutaka á grundvelli samnings frá því í júlí 2022. Byggðarráð felur sveitarstjóra að ganga frá kaupsamningi og undirritun vegna sölu á Laugum. 3. 2410009 - Fjallskilasamþykkt Sveitarstjórn Dalabyggðar tók til fyrri umræðu tillögu að uppfærðri fjallskilasamþykkt á 255. fundi sínum. Á 256. fundi sveitarstjórnar sem haldinn var 8. maí sl. var samþykkt að fresta seinni umræðu til næsta fundar og í millitíðinni að hafa samband við fjallskilanefndir aðliggjandi sveitarfélaga fyrir samræmingu dagsetninga. Byggðarráð vísar málinu til annarrar umræðu í sveitarstjórn. FJALLSKILASAMÞYKKT_Dalabyggðar_fyrri_umraeda..pdf 4. 2505009 - Fjárhagsáætlun 2025 - staða eftir fyrsta ársþriðjung Framlagt yfirlit yfir stöðu á rekstri á fyrsta ársþriðjungi ársins 2025 m.t.t. fjárhagsáætlunar. Farið yfir stöðuna á rekstri á fyrsta ársþriðjungi 2025. Reksturinn er í jafnvægi í samanburði við fjárhagsáætlun ársins. 5. 2505010 - Ársreikningur 2025 - Viðauki III Framlögð tillaga að Viðauka III við fjárhagsáætlun 2025. Rekstrarkostnaður A-hluta Samtals tekjuaukning A-hluta kr. 17.332.000 til hækkunar á handbæru fé. Eignfærslur Samtals eignfærslur kr. 1.700.000 til lækkunar á handbæru fé. Viðauki_3.pdf 6. 2505024 - Afskriftir 2025 Lögð fram tillaga að afskriftum vegna útistandandi krafna sem ekki hefur tekist að innheimta á undanförnum árum. Byggðarráð samþykkir framlagða tillögu að afskriftum og vísar málinu til sveitarstjórnar. Kristján Ingi Arnarsson á eigna- og umhverfissviði situr fundinn undir dagskrárlið 7. 7. 2503006 - Úrgangsþjónusta - útboð 2025 Framlagður undirritaður samningur við Consensa um innkaupaþjónustu og ráðgjöf varðandi undirbúning og framkvæmd á útboði vegna úrgangsþjónustu. Framlögð tillaga að útboðsgögnum. Byggðarráð felur sveitarstjóra og umsjónarmanni framkvæmda að vinna áfram að málinu í samræmi við umræður á fundinum og koma útboðinu í loftið. 8. 2505016 - Fjárhagsáætlun 2026-2029 Farið yfir drög að tímalínu fjárhagsáætlunarvinnu vegna áranna 2026-2029. Byggðarráð samþykkir framlagða tímalínu að vinnu við fjárhagsáætlun 2026-2029. Tímarammi vinnu við fjárhagsáæltun 2026 - 2029.pdf 9. 2505008 - Laun vinnuskóla 2025 Lögð fram tillaga að launum fyrir vinnuskóla Dalabyggðar sumarið 2025 og farið yfir skipulag starfsins í sumar. Sigríður Jónsdóttir heldur utan um starf vinnuskólans líkt og undanfarin sumur. Hækkun pr. tíma er 3,5% fyrir árið 2025. Byggðarráð samþykkir framlagða tillögu að hækkun launataxta vinnuskóla. Launataxtar vinnuskóla 2025.pdf Kristján Ingi Arnarsson á eigna- og umhverfissviði situr fundinn undir dagskrárlið 10. 10. 2406005 - Íþróttamannvirki í Búðardal 2024 Farið yfir stöðu framkvæmda við íþróttamiðstöðina. Rætt um tækja- og húsbúnað sem og möguleika í samstarfi og samvinnu við ungmennafélagið Ólaf pá kunna að vera fyrir hendi. Farið yfir stöðu framkvæmda. 11. 2411015 - Málefni Brunavarna Dala, Reykhóla og Stranda bs Rætt um málefni Brunavarna Dala, Reykhóla og Stranda bs. í ljósi endurskoðunar á samstarfssamningi frá árinu 2019. Endurskoðun á starfsemi stendur yfir en að öðru óbreyttu verður sama fyrirkomulag út árið 2025. 12. 2505021 - Umsókn um styrk til greiðslu fasteignaskatts til félaga og félagasamtaka Sveitarstjóra falið að ganga frá málinu í samræmi við umræður á fundinum. 13. 2505022 - Samningur um barnaverndarþjónustu Sveitarstjóri kynnti stöðu viðræðna um mögulega aðild Dalabyggðar að barnaverndarþjónustu. Staða mála kynnt. Sveitarstjóra og verkefnastjóra fjölskyldumála falið að vinna málið áfram. 14. 2301067 - Starfsmannamál Sveitarstjóri kynnti stöðu mála varðandi nýjar og uppfærðar stefnur og reglur er varða starfsmannamál og starfsmannahald sbr. umræður á 335. fundi byggðarráðs. Byggðarráð felur sveitarstjóra að vinna áfram að málinu í samræmi við umræður á fundinum. Kristján Ingi Arnarsson á eigna- og umhverfissviði situr fundinn undir dagskrárlið 15. 15. 2506001 - Lóðir til úthlutunar í Búðardal Rætt um lausar lóðir í Búðardal og hverjar þeirra eigi að setja í auglýsingu. Byggðarráð leggur til að auglýstar verði lóðirnar Ásuhvammur 1, 3, 6, 8 og 10, Bakkahvammur 2, 13, 20-26 og 28-34 ásamt Lækjarhvammi 24 og 26. Einnig er sveitarstjóra falið að auglýsa aðrar lausar lóðir við eldri götur í Búðardal þegar skipulagsferli vegna þeirra er lokið. Deiliskipulag Hvamma, uppdráttur.pdf 16. 2210026 - Uppbygging innviða - íbúðarhúsnæði Þann 4.júní sl. var tekin fyrsta skóflustunga að parhúsi við Borgarbraut í Búðardal sem Leigufélagið Bríet byggir. Ljóst er að þörf er að frekari uppbyggingu íbúðarhúsnæðis i Dalabyggð og því er llagt til að sveitarstjóra verði falið að senda erindi til stjórnar Leigufélagsins Bríetar með ósk um enn frekari uppbyggingu húsnæðis við sömu götu í Búðardal. Einnig var rætt um önnur möguleg verkefni tengd íbúðauppbyggingu í Dalabyggð. Byggðarráð felur sveitarstjóra að senda erindi á Leigufélagið Bríet. Einnig rætt um önnur möguleg verkefni tengd íbúðauppbyggingu í Dalabyggð. Almenn mál - umsagnir og vísanir 17. 2505023 - Áform um endurskoðun laga um tekjustofna sveitarfélaga (skattlagning orkumannvirkja) Í Samráðsgátt stjórnvalda eru til umsagnar áform um lagasetningu. Lagt er til að fella úr gildi undanþágu rafveitna (vatnsafls-, jarðvarma- og vindaflsvirkjana) frá fasteignamati. Innviðaráðherra áformar að leggja fram frumvarp þess efnis á haustþingi. Byggðarráð felur sveitarstjóra að senda inn umsögn fyrir hönd Dalabyggðar í samræmi við umræður á fundinum. Næsti fundur byggðarráðs verði fimmtudaginn 3. júlí 2025. Fleira ekki gert. Fundi slitið kl. 16:00
Til baka	Prenta