Til baka	Prenta
Félagsmálanefnd Dalabyggðar - 77 Haldinn í stjórnsýsluhúsinu í Búðardal, 03.12.2025 og hófst hann kl. 14:00 Fundinn sátu: Eyjólfur Ingvi Bjarnason formaður, Guðrún Erna Magnúsdóttir aðalmaður, Ragnheiður Pálsdóttir aðalmaður, Björn Bjarki Þorsteinsson sveitarstjóri, Jóna Björg Guðmundsdóttir Verkefnastjóri. Fundargerð ritaði: Björn Bjarki Þorsteinsson, sveitarstjóri Dagskrá:  Almenn mál 1. 2501031 - Félagsmál 2025 Farið yfir stöðu mála í málaflokknum. Umrædd mál eru bundin trúnaði og því ekki frekar bókað hér. Verkefnastjóri fjölskyldumála fór yfir stöðu mála. 2. 2501029 - Skammtímadvöl barna Samráðshópur stjórnenda í velferðarþjónustu á Vesturlandi hefur síðustu mánuði kannað möguleika á sameiginlegum rekstri á skammtímadvöl fyrir börn og ungmenni með fötlun á svæðinu. Þroskahjálp á Vesturlandi hefur lýst yfir vilja til að koma að slíkri uppbyggingu. Drög að viljayfirlýsingu sveitarfélaga á Vesturlandi og Þroskahjálpar á Vesturlandi um uppbyggingu skammtímadvalar lögð fram til kynningar. Félagsmálanefnd lýsir ánægju með að þetta skref sé tekið og styður það að Dalabyggð verði aðili að viljayfirlýsingunni. Viljayfirlýsing_skammtímadvöl_Vesturland_formlegt.pdf 3. 2405012 - Farsældarráð Vesturlands Þann 1. október sl. var Farsældarráð Vesturlands formlega stofnað þegar undirrituð var samstarfsyfirlýsing meðal sveitarfélaga og stofnana á Vesturlandi. Samstarfsyfirlýsingin tekur mið að tímabilinu 1.10.2025 - 31.12.2026 og er lagt upp með áframhaldandi samstarfi að þeim tíma loknum. Verkefnastjóri fjölskyldumála kynnti samstarfsyfirlýsingu um stofnun Farsældarráðs Vesturlands. Dalabyggð ber að skipa fulltrúa í farsældarráðið, einn aðalmann og einn til vara. Félagsmálanefnd leggur til að formaður félagsmálanefndar verði aðalmaður og formaður varamaður og vísar staðfestingu þessa til sveitarstjórnar. 4. 2505022 - Samningur um barnaverndarþjónustu Farið yfir stöðu mála varðandi barnavernd. Framlengd undanþága Dalabyggðar til að vera sjálfstæð í málaflokknum hefur verið samþykkt fram til 28.02.2026. Rætt um stöðu mála í viðræðum um mögulega aðild Dalabyggðar að barnaverndarþjónustu. Verkefnastjóri fjölskyldumála kynnti stöðu mála varðandi samtal við barnavernd Mið Norðurlands. 5. 2411008 - Gott að eldast á Vesturlandi Staða mála í samskiptum við HVE kynnt. Verkefnastjóri fjölskyldumála og sveitarstjóri fóru yfir stöðuna á samtali við Heilbrigðisstofnun Vesturlands um samstarf. Félagsmálanefnd lýsir ánægju og stuðningi við framgang verkefnisins. Fleira ekki gert. Fundi slitið kl. 14:45
Til baka	Prenta